මල් තුහින වගේ - සිත් මලට වැටී
ඔබ එන්න මගේ ලොව කරා සෙනේහෙන් ..
බලා සිටිමි ඒ කෙදින කියා ...
දින සතිද ගෙවී - සිත් මල වියැකී
ඔබ එන්න එපා මා නොසිටීවී ...
පවන ලෙසින් නොව මේඝ වලා සේ
මගේ ලොවට තව කෙනෙක් වඩීවී ...
සෙනෙහස නැතිමුත් මා ඉවසාවී ...
මල් තුහින වගේ - සිත් මලට වැටී
හනික එන්න මා කරා සෙනේහෙන් ...
බලා සිටිමි ඒ කෙදින කියා ...
හිරු පිපෙන වෙලේ - සදු එබෙන වෙලේ
ඔබ හිදී මගේ හද ගැබට එබී
අපේ අහස් කුස නුඹට අයිති වුව
තවත් අයෙකුගේ රැස් විහිදේවී
සෙනෙහස නැතිමුත් මා ඉවසාවී ...
මල් තුහින වගේ - සිත් මලට වැටී
හනික එන්න මා කරා සෙනේහෙන් ...
බලා සිටිමි ඒ කෙදින කියා ...